وينك حبيبي كل ما جيت صديت=يالحاضر الغايب غرامك سباني
ياحاضرٍٍ بالقلب في كل توقيت=ياغايب عن العين كل الثواني
كل ما لهج شخصٍ بطاريك فزيت=احسب حبيب الروح طل ولفاني
كل ما عطيتك موعد الوصل ما جيت=وابقى وحيدٍ انطرك في مكاني
يا من على خلك كثيرٍ تعديت=ما ترحم اللي من عذابك يعاني
يرضيك تسقيني مع الوقت حلتيت=ويرضيك في عين الشماته هواني
يا كثر انا لك بالمواعيد ناديت=وبقى وحيدٍ انطر الشوق تاني
لك في ضميري يا هنا ناضري بيت=ولك روضتٍ زرعتها في كياني
تبقى بعيني صورتك لو تقفيت=ولا يسكن العينين محبوب ثاني
انا اشهد اني في غرامك تماديت=حتى بديت اشكي جنونٍٍ بياني