المواطن همومه كممت فمه=من يوصل معاناة المساكينا
الغلا يابومتعب دمر الامه=واكثرالناس يقضي الدين بالدينا
واغلب الشعب جوعه هادر دمه=يوم تجارنا شبوا الغلا فينا
انقذونا من اللي هافي الذمه=ليه يالله دخيلك يوم يشوينا
فيه من مصرفه من مال شون امه=وفيه خالي مصادر يالله تعينا
المصايب تحل ولاحدآ همه=لا وزارة ولا شورى يواسينا
كل واحد يزيد الكيل من يمه=وين دعم الحليب اللي تلقينا
فرحة واغلب الافراح ماتمه=حالنا ماتسر الا معادينا
الغلا منتشر بين العرب سمه=والعيون الحزينه ماتبكينا
مشكلتنا يحله موتمر قمه=بين تجار دولتنا ووالينا
يكفخ الحر ولا الديك في خمه=ويتهجى العيون اللي تراعينا
كلنا ننتظر وقفتك والهمه=انت وقفتك بعد الرب تغنينا