صبحك ورود البنفسج والمساء كادي=ياللي عليك المحاني جالهن حنه
والله بعدك على قلبي مهو عادي=ماغير اشيل الألم بالصدر واكنه

الجادل اللي على قلبي لها سطوه=هي هيمنت بس مأعطتني ولاحاجه
انا والاحساس لعيونه ترا فدوه=اضيع بحكاه لامن ارخت حجاجه

ياللي سكنت القلب لاتطلع القلب=خلك بوسط القلب هذا محلك
ارجوك لاتستخدم النهب والسلب=خلك مؤدب وارفق بقلب خلك

راع الهوا يابو مشعل هاضت شجونه=والبدو يامسندي ترهم هواويه
النفس من ضيقة الايام مشحونه=والعين عافت لذيذ النوم موليه