يابوي انـا لوغاب وجهك عـن العين = مـوجـود وســط الذاكـره ما نسيتـه
يمـرنـي طيـفك وذكـراك كـل حيــن = وزولـك ابــد يـا والـدي مانســيتـه
وكنــك مـغــادر بيـتنـا قبـل يـوميـن = وانت الذي وان غبت يــوم احتريته
يـاتـاج راسي يا عــزيـز العـزيـزيـن = ابـوي لـو يــفـدى بـروحـي فـديـته
اليوم لك يا والـدي ســـبعـة اسـنـين = من يـوم غبــت وغـيـبتـك ما بغـيتـه
وانا اتخيّـل غيـبـتـك بس شــهـريـن = مـن عـقب مطــراشً ودربً مشـٰيـته
صوتـك يداعب مسعي بالنبأ الـزين = ودورت انا في مـجلسـك ما لـقـيـتـه
يـاعــز راسـي والفخـر والعنـاوين = يـامجـدي وتـاريخ عمري وصيـتـه
يابـوي انـالوغاب وجهـك عـن العـين = مـوجـود وســط الـذاكــره ما نسـيتـه
جعــلك بجنـات السـلـف والنـبيـيـن = بجاه الالـه اللـي فـرض حـج بـيـتـه
قـولـوا معي يـااخـوان يالربع آمين = يامٰن رحـمـت احيٰاء خـلـقـه ومـيـتــه