يعجبن فى نظرتى كلّ العجب =شعرها ألضآفى على الخصر النحيل
والعيون النآعسه (ودقّ الهدب) =الحلا فى نظرة الطّرف الكحيل
( أللّمى) كنّ اللّمى (حبّة عنب) =منهو اللّى لآمنى بقول(ن) وقيل
ليت منهو من شفآيفها (شرًب) =وليت منهو عآشر الترف ألجميل
جمّل المجمول (ربّى) له وهب =ألله اللّى لاعطا (ماهو بخيل)
قلت انا (يالايمى) خلّ العتب =لا تعاتبنى ترى قلبى عليل
جتنى البلوى لكل شي(ن) سبب =ماتهنّا بالمنام وبالمقيل
ماتلذّذ بالونآسه والطرب =انبريت من ودّها جسمى نحيل
عآلجونى زآد جنونى ياعرب =بالعنا عآنيت من هم(ن) ثقيل!