حىّ الجوآب أللّى لفآنا على ألكيف = يازين مضمونه بليغ(ن) وجوده
مآفيه مجآمل لا ولافيه تكليف = من عند شغموم(ن) عريبه جدوده
حييت (يابن العمّ) حيّيت حيّيت = عسآك كلّ عام(ن) وعيد(ن) تعوده
معروف (يابن العمّ)من غير تعريف = تحرصّ على المعروف وتسعى لزوده
ذكرت (سلمى) شآقتك بالتوآصيف = مدعوجة العينين تلّمع خدوده
وصعدت عآلى نآيفات المشآريف = شفت (الشرى) (والسّطح) يومك تروده
ومدحت (ألاسلم) بالصّخا والموآقيف = صدقّت (يابن العمّ) هذى معدوده
(وعبده) هل الطولآت ماهى سوآليف =كلّ(ن) يعرف البيّنه من شهوده
(وسنجاره) اللى للرفآقه موآليف = بنجد(ن) توآجدهم وخآرج حدوده
(شمّر) هل العآدات للكيف والضّيف =ماهمهم نقص الموآرد وزوده