لا تظنّ انّ الموده يالحبيب = بالدراهم تنجلب او تشترى
المودّه يالغضي دربه صعيب = مايحسّه كود من فيها درى
وما يطيب الجرح بعلاج الطبيب = ولايفيد أللّى تنسّك او قرى
صابنى من حبكم جرح(ن)عطيب= فى سببكم طار من عينى الكرى
ارقب النجمه الى حدّ المغيب = وآعذاب أللّى تلوّع واحترى
صار حظّي مثل طيّاح القليب = حين عآدت حالتى للقهقرى
او كما األلّي واقع(ن)قآلو: صويب= صار وسط القوم ماحد(ن)به درى
كيف ترضى غيرنا حكمك عجيب = تسمع الوآشين وقول(ن) يفترى
قال : منهو يدرك الحكمه يصيب = يفهم الاحوال واللّي كدّ جرى
انّ تردّى الحظّ ماتدرك نصيب = ولو يقوم الحظّ باع لك واشترى
واختم التسليم على( طه الحبيب) = من دعا بالدّين وشرع(ن)للورى 000