لــولا الـمـوده والـغــلا ,,مـــا نـشـدنـا = لا والـذي نـــزّل تـبـارك والاحـزاب
ننشـد عـن الصاحـب ونحفـظ عهـدنـا = ولا نخلف الميعاد مع جمع الاصحـاب
هــــذي طبـايـعـنـا ,,وهــــذا وعــدنــا = وهـذي اسلـوم اجدادنـا قبـل الانجـاب
متوارثـيـنـه مـــن قـبــل ,,,لاانـوجـدنـا = مـن راس عـودً ورّث الطـبـع للـشـاب
عــادات واسـلــومً علـيـهـا استـنـدنـا = نفخــر بهـا عـنـد الـقـرايـب والاجـنـاب
بنفوسـنـا لاهــل المـراجـل ,, رصـدنـا = قـدر وكــرامـه مالـهـا عــد واحـسـاب
ومـن يفـعـل المـعـروف فيـنـا أشـدنـا = نرفـع لـه البيضـا علـى كــل مـرقـاب
لاشـــك حــنــا مالـفـضـلـه جـحـدنــا = عزيـز لـو هـو مـن بعيديـن واجـنـاب
مــــا كــنــه الا بـالـمـعــزه ولــدنـــا = ويبدي على بعض الجماعه والاقـراب
مـا هزنـا اللـي فـي هـروجـه هجـدنـا = منهـاجـنـا مـــا بـدلــه كـــل كــــذاب
مـــا هـمـنـا هـــرج الـــذي ينتـقـدنـا = وش عــاد لـو سـولـف بنـا كـل مغتـاب
عـن زود هـذرات الـردي مــا نشـدنـا = ريح العواصف ماثنت روس الاهضاب
ويـامــا ويـامــا للـحـقـوق استـعـدنـا = ولا ينـتـحـي حـــقً تـقـفــاه طــــلاب
حـنــا لـذربــات المـعـانـي حـصـدنــا = والـكــل مــنــا لـلـجـمـالات كــســاب
وعنـد المواجـه لاحشـى مـا ارتعـدنـا = ناطـا الخطرمـا صابنـا خـوف ارعـاب
مــا نخـضـع الا لـلـذي لــه سـجـدنـا = لـه تنحني روس البشر فـوق الارقـاب
وطاعـة ولـي الامـر مـا عـنـه حـدنـا = نـمـوت حـنـا ولا انـوالـي لـلاغــراب