يا مـرحـبـا حـييـت يا ذرب الايـمــان = الفً هــلا واعــداد ما حجــوا الـنـاس
واعــداد مـا زار. الحرم كـل انـســان = يا مرحـبــا واعــداد ما هـب نسنـاس
دزه صــلاح اليــوم خـلـفــة مــريـان = وانت الذي له مع هل الطـيب مجلاس
خطك لـفــا. عـبــر التواصل امســيان = وطـيْر لذيـذات الكرا. عـقـب الانعــاس
فـز القــريـح وهـيّـض القـاف بلـحـان = واصبحت. انا مابين حـيره وهـوجاس
وابشـر ابـردً يشــفي الكـبـد . وكـدان = مـن راس. حـرً ما بـعـد. دنـق الـراس
ما نسهـج الصاحب ولـو كـان ما كاان = وخوّة عـريب الساس شــرواك نوماس
حــنـا الصغايـر.ما نشـوفــه بالاعيـان = ولا هـزنــا. . هــرجً . تبـنـاه . بــلاس
حيـث. الاوادم . بـيـن. زودً . ونقصان = وكــلً عـطــاه. الله. عــقــلً بمقيـاس
ولولا.اختلاف الـراي في كـل الاحيان = كــان المرابــح عـادلـوهـا. بالافــلاس
ابــديت رايي. .والامـانه. لـهـا. شـٰــان = ولاني محابي يالـخوي. لأقــرب الناس
مـا ودنــا تكـريـــر غـلطـات الازمــان = وفتنة. بسوس الشرق مع قومً جساس
وحنــا تـرانــا اخٌـوان وعـيـال الاخــوان = ولا همـنـا حـــاقـــد للاســـمـام دساس
ومـن لا يعـد الصدق يا لقـرم. غلـطـان = والحـق نـور وحاجــب .النــور. خنـاس
والهـرج لــه مبــدأ. ومـعـنى و,,ميـزان = والطيش يــودع صاحــبـه دوم مـحــتـاس
والقـول لــه مجــلـس وللخـيــل مـيــدان = والعـقـل حكمه. لاخـتفى الراي. نبراس
وأســلـم وســلـــم يـابـعــد كــل فــتْــان = يامن. بـه الشيمات قامت على ساس