مـااا عـاد فيهـا يا هـل العرف تكفـون ؟ = الـكذب مـا بـيـن الاوادم . مـباحي
وقـتً بـه اللي يـفـهـم العـــلـم مغـبـون = ينـقــالـه مجنـون لـو كـان صـاحـي
من اللي يصير وصاربه شابت اعيون = وامــن القـهـر يــزداد نـزف الجــراحـي
يـصيبــه الاحـبـاط والـناس يـدرون = وتـضـيـق بــــه ســاحــــاتـهــا والنــواحـي
قـلّوا هـل المعــروف واللي اتعرفون = وكــلً يـغــطً ابـنـومــتــه والـمـراحــي
مـالـه شــبيـه ولا ظهـر لـه بعـد لـون = لـغــزً يـحــيّــر يـا وجـيـــه الـفــلاحـي
يحـتــار بــه عـقــلً ثـقـيـلً مـــوزون = ولا عـاد يـفــرق جــدّهــــا و المــزاحـي
تسـاوت الجمّه مـع اللـي لهـا اقــرون = وضـيّـع صـهـيـل الخيـل كـثـر النـبـاحي
اخـتلـطـت الاوراق والســرّ مـكـنـون = والـحـل اصـبـح فــي مـهــب الـريـاحـي
مادري ردا او خوف بـالجــوف مدفـون = او انـهــا الغـيـره ,, بعـيـدة . مـشـاحـي
ساد الحسد ثـم قـص كـفً بهـا العـون = وكـلً بـهـرج الـزيــف عـلـق وشــاحـي
واقـع مـريـر وهــز بـاركـانـه الكــون = والـظـلــم غــطـى مُـدنـهــا والضــواحـي
وان مـا وعـيـنــا للـذي كــان وايــكـون = مـا ظـنـتـي نـحـظـى بــذرّة ,,نـجــاحـي
حيـث التغـاظي بعض الاحيان ملعـون = ولـو حـاز مـن بـعـض الّــرجـال امتــداحي
وبيـن التسـامح والحــذر فــرقً ولــون = كـالـفـرق بـيــن الضـيـق والانـشــراحي
المـوت ,لاصبح قـاضي الحـق مسجون= ومـاتـوا هــل الشـيمات واهل الصـلاحي