من قال مات ؟ وطيب الذكر ما مات=حي(ن) مع الركبان ما قيل مفقود
هذاك لامن راح يبقى له اثبات=وكم واحد(ن) حي(ن) ولا هو بموجود
يالشمري ضمك ثرى الارض بسكات=وانا ادري ان دمعات عينه على اركود
عبدلله الفندي سليل الزعامات=يالشمري بالخلد و الحوض مورود
قصرت انا في خط قافي والابيات=لو عاد مابه سابقة عرف وعهود
ويالشمري طيبك مع الناس ما مات=لامن دريت عيال شايع عن السود
لا اغز لك بيضا بروس الطويلات=و بيضا ل بن شايع على راس قردود
اللي كفا خالد سيوف(ن) صقيلات=عز الله انه صافي الجد والعود
قلته وانا ابن ابوي والهرج بثبات=وانا الاحيوي وثاني الجد مسعود