ماتـنبـت الـذربه لو ان الجسم كـرب=ان ماسـقاها غـيث عـقلن رزينـي
والشـرق عـمره ماتـقابل مـع الغـرب = مـهما تـدور الارض طـول الـسـنيـنـي
والسـيل قالـو لا تـجيله عـلى الـدرب=عن الشعيب ابعد وخـلك فـطينـي
الهـرج اعـدي صايـبه واطـلي الجـرب=نـبـاهـتي تـفضح سـتيـر الـبطـينـي
ان جـيتها من بـعد وآلآ من القـرب = تـبقـى الـبـداوه تاج فوق الـجـبـيـني
غـصبن على خـشم الحضارات يضـرب= فينا مثال العز سـره دفـينـي
طلـقيـن أحـجـه كل مـنطوقنا ذرب= حنا طـهور الـقـاع ياذا الـدنـينـي
مـن الـهـوه لـحـد الـصـداوي ليـثـرب=يـزهالنا الـروض الـخضـر والـقـطـينـي
وافـين باع مـنين ماجـيـت يالخـرب = لضـيوفـنا مانسـدح آلا السـمـينـي
من سلمنا تـربت يـدين الـردا تـرب= ومـن سلمنا تـربت فـم المسـتهـينـي
وان كان سـرك بـس بالاكل والشـرب= بالمـرجـلـه سـر الـبلاعـيـس فيـنـي
تـشهـد لنا شمـر وتـشـهـد لنا حـرب = بعـز ومعـزت جـاه متقـاصـرينـي
فـحـوا حديثـك تنبـي انك مـن الصـرب=واربـع جـهاتك يسـر مابك يمـينـي
ارجـو الـتـوازن يامـغـرد مـع الـسـرب =بـعـد النـظـر يـنجـيك بالحالتيـنـي
افطن ترا مـاكل واحـد وله رب = والنار بشـر قـومها الكافـرينـي