صح السنتكم ..
ولكن يالشيبان مالكم كرت مع الاسف معنا ,,
بعض القصايد لها قانون=والناس تدرى مشاعرنا
وطلاع ركب ثمان اسنون=من عقب ماهو تقل دنّا
ينذخ ويمشط مثل مامون=والغيد منّه توذنّا
شايب وراسه تقل جالون=وغافل يقول السبب حنّا
يذكر بأن البلا مكنون=يوم المواليف هدنّا
والله بلاهم بما يحكون=والصاع جاهم من ألسنّا
الغيد يبن الذي مضمون=من قو باسه يصيحنّا
ماهو بمثل الذي مغبون=من حافزن فيه حقنّا
واقول عكس الذي يطرون=لولا الغنادير وش كنّا
ياغافل اغفل عن الديدون=وطلاع فارق مواطنّا
حنّا هواهن على الصالون=بغيابنا البيض يبكنّا