انا قلبي اسير الشوق انا كلّي عشق طايب=يهيم ابلهفتك عشقي والآليتك تجي بالي
تشوف الليل من دونك وكيف الهم بعد صايب=على قلبً هوى حبك وانا الي ميّتً حالي
ترد روحي على شوفك واجي لك لهفة الغايب=وانا المجنون بغيابك وهم شوفك بعد غالي
نطرتك ليل وانهاري وفكري رايح وجايب=بعد وش ترتجي لمّن يمر ذكرك علي والي
يمر فيني سحابة شوق يجلس للغلا نايب =وراويه العشق لخضر وشاكي له عن احوالي
متى ياسيدي شوفك تراني باالوله ذايب=ولا لي بالحزن غيرك يبدّل وضعي السالي