سبحان رب ٍفرق أجناس وأجناس=أحد ٍ يبي مقيآس وأحدن قياسي
أحد ٍ يصوغ الشعر در ٍ مع ألماس=وأحد ٍ يصوغ الشعر معدن نحاسي
وأنا بصوغه يشفي إجروح الأمواس=يشفي عيون ٍ طار منها النعاسي
شعر ٍ بلا حكمه ترى مصدر إفلاس=لو كنت ضايق في هموم و مآسي
ياصاحبي امرح وساير مع الناس=وإحرص على وقت الفروض الأساسي
وإحذر يجيك بتالي الوقت وسواس=على بني عمك تجيب الحساسي
تعيش عمرك بين هم ٍ وهوجاس=وتعيش وقتك في خماس وسداسي
لا تصير بين الناس عاذل وبلاس=ولا يصير طيبك بالزمآن إنعكاسي
ماقول عاشر من بلا مِر و إحساس=أقول جنب من طبوعه إنجاسي
هذي حقيقه كاتبه بين الأقواس=ترسي كما ترسي الجبال الرواسي
أنا أسلمي إعطي من الراس للراس=لو كان رايي بعض الأحيان قاسي