انا ارقبت من ضمن البشر في رفيع الجال =عسيـر المـراقـي هـيّـض القـلـب مرقـابـه
عسيـراً براسـه شفـت صـم الجبـال تــلال =عسـيـراً يهـومـه عـاشـق الضـلـع ويـهـابـه
حدانـي عليـه الطـاري اللـي يـغـث الـبـال =غثـيـث الـطـواري صوبـنـا وش فـتـح بـابــه
تشيّلـت همـه يــوم هــم الـرفـق ينـشـال =وكميـت الخوافـي يــوم بــه ســر نكمـابـه
وانا اليوم جـزت مـن الرفـق سـوم يادلـلال =عـزيـزاً يـعـيـن الـوقــت لاحـــد لـــي نـابــه
احسبه الى هبـت سمـوم الهبـوب ظـلال =واحسـبـه حـزامـاً يـــوم اضـيــق أتـعـزوابـه
وكشفنـا هـوى راع النخـاوي ردي الـخـال =وعرفنـا ذهيـن القـوم مـن صــادق الجـابـه
وبـذرنــا عـلــى مـقــدار مـاقــدّر الـجـمــال =وتـردى الجمـل لـو شوفـة العـيـن تزهـابـه
رغـــا والـرغــا بـيــن الـقـرايـن يــعــد اذلال =وكتـوم الـزوامـل شـايـل الحـمـل واقفـابـه
نشـوف الهـوايـل ثــم مــن هولـهـا نهـتـال =ونعـيـش الحقـايـق عـيـشـةً مـابـهـا ثـابــه
زمـانـاً بــه الرجـلـي خــذا بـنـدق الـخـيـال =وخذا السيف مـن كـف الشجـاع وتعصابـه
زمـانــاً يـوردنــا الـرمـاضـي بــحــام الــــلال =شحوحـاً علـى يومـاً مــن العـمـر نسـلابـه