راكب اللي ياشتغل ياكن دقت ســــــلفه=كاهنن يقرا طلاســـــيمه على ممسوسـه
منوت الي ناوين يضـرب طرقتن صلفه= يطوي البيدى بمشـيه والسهال يقوســه
ياحصله من قدم رجل الدريول كلفه= ينطلق مثل السهم من فوهة المطموسه
ابيضن يطوي الفيافي باالمسـاري خلفه= يا وقف ودك تعانق طارته واتبوسـه
مثل زول الشيخ ضاري يانتخا في صلفه=كل ماشاف العدى دلا يحد ضروســــه
الشجيع اللي من العدوان تروى شــــلفه= لين خلا جمع الاعدى بالملاقى حوسـه
العديم اللي حلف واقســــــم ووفا حلفه= كم غريمن نزّل المرهف على فاعوسه
ماوقف عند المكا نيكـي يوززن بلفه= شاشته كنه برصات الذهب مغموســـه
قيمته ماجمعوها من بنوك الســــــــــــلفه=ارصدة تجار قومن مبطين مكدوســــه
كن فيه ارناق واشــــــكال الحلا مختلفه= جامعن كل اللغاة بمحتوى قاموســـــه