بديت برب خلق مااحتـار=يكفلك الـرزق واسبابـه
رزق البشر ماعليه غبـار=مـادام حــيً يوتـابـه
وبعده نظمنا بيوت اشعار=قولاً على الفعـل يزهابـه
لبن مشابي بعيـد اذكـار=معروف لأصحاب واجنابه
محمد علومه ماهي بصغار=للطيـب يفعـل ويهقابـه
يصقع لنجره وقباله حـار=في مجلساً عـز لاقرابـه
دايم على منهجـه صبـار=في مجلسه فاتحـاً بابـه
له مجلساً مرغبً لأخيـار=مجلس جلس فيه عذابـه
للطيب يفعل برفيق ومـار=ومسيـر البيـت حيابـه
عايد ذكر له ثنى واشـار=عند حاجته عازته جابـه
الناس تذكر لشـيٍ صـار=وماصار ملـزوم يحكابـه
الساس طيب ونسل احرار=ومن جود الساس علابـه
الطيب في مرتفع مشـوار=يصعب على النذل مرقابة
يوم المغازي وعـجٍ ثـار=الطيب عايد خـذا جابـه
ابن مشابي يدوس اخطار=كم قالتـن بـان عيابـه
عايد علومه بقت بأخبـار=نسمع على الدار ذكرابـه
على المراجل سطى جبـار=في دور ماخوذ وانهابـه
من لابةً فعلهم لـه كـار=بظهور للخيـل وركابـة
الفعل يذكر مافيـه انكـار=ضياغـم الفعـل يدرابـه
والطيب له مرتفع بأسعار=وكلن على القـدر دلابـه
كلن بدلـوه خـذا مقـدار=حسـب مداليـه ماجابـه
مار والله مالي وراها اثمار=ولالي مقاصد ولا طلابـه
يكود رد الثنـى وأظهـار=ونذكرهل الطيب بحسابـه
مار يالله يامرجعً بمطـار=يامكون الخلـق وافنابـه
تفكنا مـن جحيـم النـار=في جنة الخلـد صرنابـه
وصلاة ربي عدد ماصـار=واعداد ماالارض يوطابـه
على رسولن عطى الانذار=وبين لنا الدين نرضابه