يافلان حنا بالمكارم والأخلاق=مال القصيد اساس دامك قصيده
يافلان ضعنا والسبب بعض الأرفاق=كل النوايا البيض ينزف وريده
يافلان جفني للسهر غرب وأشراق=عيا جنوبه عن شماله يفيده
يافلان صدري مايفيدك ليا ضاق=كله سوالف مايفيدك جديده
عمر الموده ماتجي دون ميثاق=دنيا عنيده والعواقب وطيده
النايم اللي يقضي الوقت مافاق=يحس بالدنيا حياته سعيده
ماشبت بصدره لواهيب الأحراق=وده توصل للعلوم المجيده
يافلان ندري بعض الاجواد مشتاق=بس الزمان الأولي من يعيده
بعض المواقف روحت مثل الأشفاق=الناس تدري والحكاوي أكيده
يافلان راحت فزت الحر تنساق=ضاعت علومه والهقاوي زهيده
خل الجروح تموت في وسط الأعماق=لاتنبش جروحٍ بقلبي عتيده
مال الكلام وجيه في بعض الأوراق=وكل الكلام الزين جمله مفيده
أرجوك خلك بالمكارم والأخلاق=هذا الزمان الشين كله قصيده