تـفـرد باالفـرايـد ياخفوقي ماعليك إحراج=لجل عين الهنوف الي بشعرك دوم مفتونه
أورتبهـن الياجنك يـشـادن خطـبـة الحـجـاج=قويات(ن) حسيـنـات(ن) عــن الــزلات مصـيـونـه
يزيدن العجب في نفس قارئهن يفـل أحجـاج=وحمام الورق يطرب لو سمعهن غير الحونه
ولاياعين بحريه وحش تستطلع الدراج=بعد حزة عصير فروخها بالعش يرجونه
هنوفن غامضه ووصافها ماتحاكي الدواج=عشاشيقه كثار وحاجزه واقفلهم دونه
هنوفن عقلها راجح غلاها في خفوقي لاج=دخلت لقلبها بلحضات من بوابة أعيونه
هنوفن من ورى جمر الشفايف ثلج لون العاج=جمع في مبسمه متناقضات الكون في كونه
وأنا السباح لكن موج حبه منه ماني ناج=وأنا من عين محبوبي سبيت النوم من نونه
دخلنا باب واضح يالهنوف وغامض المخراج =دخل به قيس ياليلى... من العاقل ؟ يامجنونه