كــل الطيـور اللـي على هبت الريح = تـسـمـع بحـب قــطـــع الله مصيره
ياخوي انا ماجيت لاشكي ولاصيح = امشي علـى كـف الامور العسيره
اكـنـهــا فــي داخــل القـلـب مابـيـح = اشكـي لرب الكون ماشكـي لغيره
ان جيت ابهرج املح الهرج تمليح = وليـا سكت بصمت الاجواد خيره
ادعـي واصلي الاعشاء والتراويح = واليا دعانـي صاحبي ماستخيره
والـيـا دعـانـي خلــي اقــوم واطيح = مثـل المريض اللـي كبـير سريره
ياخـوي بيني وبين خلــي سوابيح = خـفــر السواحل بالبحور الغزيره
متجهزين وكـل ابوهــم على الريح = طلقاتـهم تسـبـق صـداه وصفيره
مالي عن المجمول درب ومصاليح = احـدن خبـر بالحـب نارن قصيره
يـفـزلــه قلـبـي من الـبـعــد ويصيح = يامترفـه قلـبــي لعبـتـي بمصيره
راحت ثمــان سنين نومــي شلافيح = مثـل الـذي مشغول فـي كل ديره
اروح وارجع مـن عيون الشوافيح = اتعبت نفسي واتعبتـني الجزيره
ماعاد اشوف اهل الوجيه المفاليح = اللي لهـم بالكـون حشمه وسيره
شــوفــوا مناصبهم قـبــور مسافيح = يالله عســاهــم فـي نعيم وستيره