قدمت معروضي على خمس ضباط = وجانــي وفـيـــه ملاحضـات العباطه
بـالـقــول مـا فـاد القلم حرف ونقاط = وبالفعل مــا فـــاد الجزاء مع نشاطه
تـحـيــة القـــايــد تـحـيـــات ضباط = ضبط النظـام العـســكـــري وارتباطه
كـنـت احـسـب انــه لليــاقـه ونشاط = وأثـــري بـــه الطـيـب بعـيـداً سراطه
يسـلك بـه المرجوج لـو كان خراط = لا والله اللـــي مــاعــرفــت انضباطه
كـان الكـذب يقـنـع بـه الفرد ضباط = عزالله انــي ضعـت وضعـت ابساطه
لا واهنـي اللـي بـيــن نـــار وملقاط = عـنـــد الـــدلال وهـيـلـهـــا واختباطه
فيها العلـوم اللـي تقل بحـر واشواط = يفرحـه بـه اللي ضاق عقب انبساطه
مــالبــس قـبــوعـــه ولا شـــد مغاط = ولا عــرف تقيـيف الـبـدل والخياطه
ولا شاف هالـبــدله ولا شاف ضباط = ولا شاف مـيـدان اللـواء مــع بلاطه