عــزالله انـي بترك الشـعــر وانساه = ان مانطق باهـل الــوفــاء والرجوله
اللــي مـواقــفـهــم كـبـــار ضحاياه = يستاهـلــون الخـير فــي كــل اصوله
اللـي بنهـايـة عطــلـــة العيــد حياه = ينـشـد عــن اللــي مـرسلـيـنـه بجوله
يــم الجـنــوب وحـالـتـه ماعــرفناه = يمـكـن يـمـوت ويـمـكـن انـــه يطوله
ابوسـريــع كـــامـل الشــعــر يفداه = مــاهــو ولـــد عـمـي ولانــي بحوله
لاكــن تعـلـمــك الـمـواقـــف بدنياه = يـــوم الـربــــوع وبـيـن دوله ودوله
مدري وش اللي باخـر الوقت نلقاه = لاكــن لــقــيــنـــا للمــراجــل فحوله
حتـى الدراهـم مـدهــا وقـص يمناه = من وسط جيبه الخاص ماهي عموله
حلفت من فوق الحياء وقلت مابغاه = كــل الــمـــراجــــل بــارزات فعوله
عــــزالله انـــك واقــف للـمـعـانــاه = ابــنــشــــره يـابــوســريـــع واقــوله
غـيــرك تــرى ماقالـهـا ولا طلبناه = واللـي مــثــل شــرواك نعم الرجوله
فــي وقفتك هذي تــرى الغير يبغاه = لاضــاقت الدنـيــا بعــرضه وطوله
وابشكــرك ياطـيــب الصـيـت تلقاه = عـنــد الولــي بـيــن المحاسن تنوله