يـاسـعـود لاتنشد عـن الحال ياسعود = حالي عقب فرقاء المواليف حاله
اللـي خـذا قلبـي مـن سنـيـن موجود = يمسي ويصبح في خفوقي لحاله
لـيـتـه يـحـس بحـالـتــي يـوم ويعود = ويشوف حالي عقب فرقاء دلاله
مـانـي صغــيـرولامـراهـق ولاعود = ولانـي سفـيــه ولا عليـه ضلاله
الله كـتـب لــي باول الـعمـر مقرود = واعيش مـع نــاس تحـب الرذاله
مالي نصيب مـع هـل الخيل والذود = ولانـي مع الحكام صاحب جلاله
شخص مواطن طول الايام موجود = يبنـي بـيـوت الشـعــر مما جراله
والـيـوم ابثنيـهـا علـى سـيــد الجود = لسعـود مسـير من شيوخ الطواله
ياسعود انا جيتك من العام مضهود = عـجـزت اميـز شرقها من شماله
مثل السمـاء لاغيمت برق ورعود = مـاعــاد يـنـفــع يـالسنـافـي خياله
ياسعـود عالجـنـي عن الهم والكود = ان كــان للـمــرسـل تفيد الرساله
ياسعـود حبـي له معرب ومقصود = لــوخـيــرونــي مـاتـخـيـــر بداله
عطني فوائد ترحـم الحال ياسعود = وعطنـي وعـد لـو بعد عام نعناله
وختـامـهـا مـنـي سـلامـين بركود = وتـحـيــة للـشــيــخ نـعــم السلاله