يـاسـعـود ديـوان المجـالــس كثيـره = مـجـالـس يـاكـثـرهـا مـالـهـا داع
حـاولــت اعـبـرها بـنـفــس اسيـره = ولقيت منهو يدبل الصاع بالصاع
ياسعود حال الآدمـي ويش مصيره = لاصار رايـه عند طقاق الاصباع
ابسئـلك يـاسـعـــود عـن كــل ديره = تـرها حقيقه صايره توجع اوجاع
كـثـر الـنصـايـح مـايـريــح ضميره = ومجالـس الـتـزويـر تقنع به اقناع
ياسعـود جربت الحـيـاة الضريـره = وجربت انا عزاً به اشكال وانواع
مـاشفـت مـثـل الوقـت هـذا بغيـره = عــزالله انـي شـفـت للخـيــر مناع
مـاعــاد خـلــو للـعـلامـات سـيـره = قضوا عليها عمي الابصار بالقاع
تـرقـبـوا ساعـات الايـدي وغيـره = حـنـا بـوقـت قـام يسرع بنا اسراع