مـرحـوم ياراعـي المواجيب والطيب = كـم هاجـس عقبك صحى من منامه
قـامت تـذكـرنـي الليــالــي اللـواهيب = مـانسـاك لــو قــامت عـليـنـا القيامه
الحـال عقبـك يـعـلـمـه عــالــم الغيب = مـاعـاد يسوى الطيب عقب الشهامه
ولا عاد تسوى القاع عقب المعازيب = تـنـعــاف روس فــوق راسـه عمامه
يـاخـوي عفت الزاد هـو والمشاريب = وعفت البيـوت اللـي اتـذكـرك امامه
يـاليت تـاصـل لك حـروف ومناديب = اصــيـر انــا حــرفـه ومنـدوب لامه
مـعــزتــك عــنـدي تـفـوق المراقيب = تتعب جـبــال طـويــق وتتعب تهامه
مـؤسـسـه بـالـقـلـب فــوق التجاريب = ولاهــو كـــلام اللــي يـنـظــم كلامه
يانـاصــر انت اللـي هقاويك ماتغيب = مـن قـلـبـك الابـيــض يـحـدد وسامه
ماسولفت نفسـك عـن الشـك والريب = ولا اسـتـقـبـلـة نفسك سوالـف هلامه
سوالفك يـاخــوي تـنـدى مـن الطيب = مـــراجـــلـك فـوقــه وســام وعلامه
يقولها اللـي جــرب الـنــاس تجريب = يـخـتـــار مــن بـيــن المخاليق عامه
عـنـوانــك اللـي فـيـه كـل المواهيب = زيــــزوم مــاكــــلً يــحـــــدد مقـامه
هــذا كــلام اهـل الوفاء والمواجيب = وصــاتــهـــم تـكـتـب بحكـمـة نظامه
يـشـهــد عليهـا اللـي يفــر الدواليب = ويشـهـد علــى قــولــي نهــار القيامه
مـعــرب الجــديـن مـاهــي تجاريب = نـسـايــل تـعـــرف نـســـايـــل عمامه
انشـد يــامـن يعميك هـرج ومكاتيب = تـلـقــاء مــع البصـمــه اصابع ابهامه
لــو بالشهــاده شـمــرك كـلــه تغيب = مـايغيب تــاريـخــه بـحـكـــم احترامه
يشهد جبـل سلمـى صخـور مراقيب = ويـشهـد اجــا بـيــن الجــبـال اللتحامه
ويشهد له اللـي كاسين وجهه الشيب = وتـشـهــد لــه اللــي مـاتـجــده عظامه
وتشهد له اصقور السماء بالمخاليب = ويشهـد لـه الطـفــل الصغـيــر بمنامه
كـم عـيـن ترقد مـن مواريك يالذيب = مـن جـاك مـن قـلـبـه نـظـيـف سلامه
لك دفـتــر فـي مجلس العز مايشيب = مــفـهـــرس(ن) ومــخــلــد الله سنامه