عـزالله ان الشعـر لـهـل الـوفـاء دوم = والا بــلاش اشـعــار مـالــه لزومي
اما تخص الشخص بالطيب كل يوم = والا تــلــف افـيــاضــهـا والحزومي
على النقـاء ان كان عايش ومرحوم = الـشــعــر بصمه للـوفــاء كالنجومي
والـيـوم انـا بالشعـر مجبـر وملزوم = اكتب حروف الشعر وابدي رسومي
شعـر النبط يحـتـاج حكمه ومنضوم = للـي خــذا بــالـطـيـب كــل الرقومي
متعب سعـود بن السبـيـعي ولا الوم = مـعــرب الجـــديـن ســاس القرومي
مـاقـلـتـهـا مـن رخصة تطـيـر النوم = ولا قـلـتـهـا مـن شـان بكـرى يقومي
قـلـتــه وانــا امــيــز الطـيـب بالقوم = طـيــبــه تـعــدا طـيـب نــاس تلومي
لادافـــع شــــراً ولا صــايــم صـوم = ولا لــه مـع الاجـواد حـرف يدومي
من شرهم دايم وانـا اخـوك مصدوم = ومـاعـاد ادور مـن وراهــم سلومي
من دونهم متعب خذا الطيب بسهوم = خـلا حــروفــه بـالـسـنـتـهـم تحومي
قــدر بـتـقـديــره ونـجــم لـنــا نجوم = وخــــلا قـلـيــل الـفــأيـــده مايدومي
مـتـعـلـم مــن والـــده حـكــم وسلوم = ومـتـوارثـن جـــده بـثــقــل العلومي
والـيــوم مــأيــلام لــــو لامـنــا لوم = واللـي يـعــرف المصـلحـه مايلومي
واللي قسمه الله علـى العبـد مقسوم = صــلــوا عـلـى محمد صــلاة تدومي