يـالـيـت مـالــه شـبـيـه ولالـهـا صوره = او لـيـت ربـي عطانـي فضل نسيانه
مـن عقبها وشـيـفـيـد الشعر وشعوره = راحت بحكم الولـي وخلتلي احزانه
مايعوضن في غلاها الكون وقصوره = انسـى ولا انسـى تليفـونـه وعنوانه
لـه فـي عـروقـي خلايـا الـدم معموره = وله في شرايين قلبـي روح ولهانه
ماشفـت بـالـكـون نـور يشـابـه لنوره = ولاشفت بالكون كون يشابه اكوانه
يـالله يـامـنـجـي يـوسـف مـن شروره = ويـالله يـامـنـجــي ابـراهـيـم وايمانه
ويـالله يـامـنـجـي مـوسـى على دوره = ويـالله يـاللــي لك الـدعــوات واذانه
يـالله تشـفـي مريـض باول اعصوره = ذاق اكـثـر المـر بـاشكـالـه وبالوانه
يمسي على نـار مشبوبه ومسعوره = ويصـبـح علـى ملته مـن قو شيطانه
هذي حياتـي وهذي اجزاء مظهوره = والخافي اعظـم بسرج الحب وعنانه