يقول من سجـل قوافيـه بأحضـار=اخذ منه جزلـه واخلـي سريبـه
اقطف ثمر معنا الجواهر مـن ازهار=وترتيب جـزلات القوافـي نجيبـه
اقولها ولانـي علـى الشيـن دوار=ومن دور البلشات يلقـا المصيبـه
الفرق واضح بين ليلـه والاسفـار=والشمس يفرق مطلعه عن مغيبـه
ولاينفع المصدوع توصيف واذكـار=والمنجم وقت الضحا وش طبيبـه
ياصار مايقديه تشخيـص الانضـار=خله يولـي حضرتـه وش تبيبـه
يلقاء على دينه مـن النـاس دوار=وكلـن يقابـل بالملاقـا طليـبـه
مال الردي عنـدي معـزه ومقـدار=وراع النوايا السود ربـي حسيبـه
افهـم وميز مطلـع الهـرج يـادار=واقدر الطيـب واثـانـي بطيـبـه
ولاني سوات اللي على الشين ثرثار=اللـي ملابـس خونتـه يكتسيبـه
ياللي تحسبن غافلن صار ماصار=وحذراك عن بعض الامور تحكيبه
وأحذر يجيبك للمياهيف تيار=ماكل وادي لك مكان بشعيبه
ماعاد نقبل منك دينك والاعذار=وربط حصانك لايتمادى هذيبه
وحذر تجرى للمواضيع تكرار=تر الضلام احيان ماينمشي به