إلى قلوبكم كيبورديه اتت كذا فتقبلوها زي ماأتت
.
.
((وشلون مدري كيف))
ياهاجسي في حالتي طوّل الشرح=نسرد حكاوي من زمان الطفوله
مليت اطاول وانتظر عالي الصرح=وتعبت ادوّر في حلومي بطوله
وشلون مدري كيف يبرالنا جرح=وفينا عنودٍ من بعضنا جفوله
ياصدقنا ياكذبنا وش ورى الطرح=نظرب ونجمع ماجلبنا عموله
صارت مجاهيم الردى بأول السرح=وصارت مغاتير الوفاء ماتطوله
اصدق تعابير الوفاء مابها مرح=وصار السكوت ابلغ من اللي نقوله
كم غيّرت آمالنا صادق الفرح=وحنا على هالحال نتبع ميوله
وياهاجسي في حالتي كرر الشرح=ودي اعيد شوي وقت الطفوله