البرد ! والليل ! وانت ! وذكريات الشمال! =والهاجس اللي على ذكراك اخذني بعيد
!ومدينة احزان ! فيني باقيه لا تزال *=تستوطن الروح وتعكر مزاج الوريد
وهموم عمرن مضى كله جنون وخيال *= تعصف بروحي دمار وتفعل اللي تريد
حاولت ابا انسى ولكن من ضروب الخيال =شلون بنساك ؟ والذكرى تعيد وتزيد؟
يا ويل حالي ليامني ذكرتك وسال =* دمعي ! وضاقت بي ارجاء الفضاء المديد
لا قلت يا قلب كافي! قال هذا محال= *شلون تنسين من يملك زمام القصيد
شلون تنسين من ينسج خيوط الجمال=* وينظم لج الشوق واللهفه بعقدن فريد
الشاعر اللي بعشقج قال ما لا يقال= * واللي حلف لج عن ادروب الغلا ما يحيد
قصايده زادت احساسج بهاء وكمال=*وابيات شعره تشبج ضوّ رغم الجليد
صحيح يا قلب كيف انساه شيخ الرجال=* اللي تمركز على روحي برتبة عقيد