خذها على وضح النقا ما تذريت=لا باق حبك بالوفاء لي وطيته
إن كنت أنا حي ٍفقلبي ترى ميت=يبيع حبك لا رحلت و نسيته
أول تكلمني ليا من تباطيت=واليوم قلبي من فراقك عطيته
ياما لجل حبك جزمت و تعزويت=و عزاه يا قلب ٍبصدك جزيته
ببيع حبك دام عني تخليت=أصبح غرامك صفحة ٍلي طويته
دامي بعزي فوق رجم ٍتعليت=ماينحني راسي م دامي رقيته
تغلي عروقي كنها داخل الزيت=والقاف من وسط المحاجر بديته
شكيت من جرح ٍبصدري و مليت=دامك هدمت أبراج حب ٍبنيته
صدك فِجر قلبي سواة الدناميت=والدمع من عيني تبعثر شتيته
شفني عقب فرقاك طبت و تعافيت=ونسيت حب ٍفات ياما رجيته