بعض السوالف سبْبت لِي تصداع=صديت عنهَا يارفيقِي و دنقت
أرسلت و بصدري تناهيت ملْتَاع=ياما على نُظم القصايد تشوقت
لَا عَلّ شعري تِيقنه بَعض الْأسمَاع=اللي تسولف بِي لِيَا مِني أخفقت
عَايش حَياتِي فِي مدارات الإِبداع=ناظرت حلمي في منامي و صدقت
أَعكِس مساري لاغدا به تلكاع=وآجيه كلِي لا بلشت و توهقت
أَقدم أقدامي شبر و أدبله بَاع=ويوم اِستدرت لوَاقِعي عاجلٍ فقت
رجعت أعالج مَابقَالي مِنْ أوضَاع=وأبحرت ببحور القصيد وتذوقت
بعض القصايد مُذْهِله حدّ الْإمتاع=وبعض القصايد تنتهي مَسْألة وقت
شعرٍ ليا مِنْ قيل يشفي لِي أَوجَاع=وشعرٍ ليا مِني سمعته تضايقت