لاتضن الله على الخلق اصطفاك=وانت مثل الغير مخلوقن ضعيف
هين نفسك(ل) اصدقائك واقرباك=وخل دمّك مثل مانسمع خفيف
لاتغرّك زخرف الدنيا تراك=مرجعك للرمل لوكنت العنيف
بالتواضع عز والكبر الهلاك=التغطرس دايمن غبْه مخيف
احذر الشيطان لايقلع مداك=لين عقب الكبرياء تزحف زحيف
عزتي لك كان شيطانك ولاك=واخزمك خزم المهجّن للعسيف
وابعدك عن جمع ربعك واصدقاك=وانزلك في منزلن ضنك وقصيف
يانتشر فيك الجفاء يصعب دواك=الجفاء راعيه مخلوقن كسيف
اغتنم نفسك عسا الله يهداك=شف طريقك قبل تصدم بالرصيف
ياخلا الشيطان بك يصعب شفاك=صار علك صعب وعلاجك كليف
(((مشعل عسام التريباني))) في 6/8/1443هجري