سمعت الحمامه ترفع الصوت يوم تنـوح=تجـر الهديـل ومـن سمـع صوتهـا نـاحـي
تلاحـي لـهـا ورقــاً قـبـل مايبـيـن الـضـوح=حـنـيــن الـحـمـامـه زوّد الــهــم وجــراحـــي
علام الحمامـه عنـد عـذق النخيـل تبـوح=أبــي مثلـهـا مـيـر الـعـزا والـصـبـر بـاحــي
همـومٍ علـى قلـب الشقـاوي تجـي وتـروح=وزوّد عنـاي.. البعـد فـي خاطـري لاحــي
مضى الوقت والقلب المعنـى يزيـده فـوح=ومالي جـدا غيـر أومـي بسلـك مسباحـي
ألا يالحمامه كان لك في اللحن مصلوح=ترانـي بجـر الـصـوت والـصـوت فضـاحـي
وأغنِّـي بمـوالٍ يجـي مــن عــروق الــروح=عسى الهـم مـن عقـب المناجـاة ينزاحـي
ألا واهـنــيــك خــاطـــرك دايـــــم مـــشـــروح=لـيــا ضـاقــت الـدنـيـا تخَفْـقِـيـن بجـنـاحـي
تروحيـن فــي جــوٍ خــلا ماتجـيـه ســروح=بـعـيـدٍ عـــن هــــروج الـعـيــاره والأمــزاحــي
وأنــا فــي عـذابــي مـغــرمٍ تـايــهٍ مـجــروح=بـهـاذيـل قـلـبـي جننـتـنـي وأنــــا صــاحــي