يابـو سـعـد جـانـي الـغـوز ومراسـيـل =وقريـت نـص اللغـز سـاعـة وصلـنـي
سـطـر اختـبـارٍ مـنـك يـاذابـح الـحـيـل =وانــا ادري انـــك مـرسـلـه تمتـحـنـي
ويابوسعـد لــو يكـثـر الـحـط والشـيـل =مـهـمـا يـكــون بمـهـنـتـي ماجـهـلـنـي
اخـــذت مقـيـاسـه بـالامـتـار والـمـيـل =مـن شـان اجـاوب صـح لـلـي سالـنـي
وحلـيـت لـغـزك بـعــد درس وتحـلـيـل =والـيــوم دوك الـحــل يـالـقـرب مـنــي
احــذر تشـيـل الحـمـل لاصــار تتـويـل =وانـتـه مسـافـر فــي طـريـق امتحـنـي
سـافــرت فـــي خـــط كـلــه عـراقـيــل =ورقـيـتـنـي فــــي جــبــال مايـنـرقـنـي
ودربٍ عطيته خسف واسود من الليل =خـطـر عـلــى مـــن جـــاه لايستـجـنـي
وضلع اتهم مـن جـاه شـاف التهاويـل =وعـنـه الايـديــن الطـايـلـه يقـصـرنـي
فيـه السمـاء مليـان مـن نجـم ابوذيـل =وايـضــا مسـامـيـر الـثــرا يـزرعـنــي
وان طعت شوري فاترك القال والقيل = انـعـم وخــل الـجــور يـالـقـرب عـنــي
وشــيٍ حـصـلـك حـاصـلـن للريـاجـيـل =ولـولا ورق شجْـرتـك مـنـت بمتهـنـي
ياماشـربـت مــن الـقــراح الشهـالـيـل =ويامااثـمـرت شجْـرتـك هـيــلٍ وبـنــي
واقــــول مـايـحـتـاج للهرج تـطــويــل =انــا اشـهـد انــك فــي معـانـيـك فـنــي
ويـن انـت يـارع الوفـاء موفـي الكيـل =محـيـت عـنـك سنيـنـا الـلــي مـضـنـي