انا كل ماسمع ذكر طيبن لابن عمـي=يشوش راســــي وافتخربه واماريبه
ايوالله. افخر وارفع الراس واهتمي= في حفض فعله واكتب الشعروارهيبه
مثل حســـين اللي بالامجاد متسـمي= حــرن يحنــّي باالجـــزايل مخاليبه
ابوغنيم اللـــي كما هايج اليمـي= حرن رفع روس الرفاقه باســــــاليبه
قرمن مثل هداج. يافاض باالجمي= فعله مــن الاجناب جتنا َمناديبه
بفعله تشـــــيد. البكم وتكرر الصمي= وحنا لبســـنا. ملبس العــز من طيبه
حيثه على فعل الجزيلات متنمــي= قرمن يعشــق الطيب والفوز يحريبه
اضرب بمخلابك على الكيف والكمي= اصعد على شـــــم الجبال وشناخيبه
وارق السنود وصافح الغيم والشمي= ياتاج راس المجد واعلا مقاضيبه
افرح بفعلك وافتخر ياولد عمــي= انت الحسام اللـي مع الناس ندليبه