ناخذ من اهل العقول الناضـجـه عبره= ونورّد افكارنا للـمنهل الصــافـــــي
والا ضعيف الجهـود وضايع الدبره =جرفن هيارن شـــــفاه وجانبه جافــــي
مـا نقـتد يبـه ولاناخــذ منه خـبره=اللي يجنب مسار اهله و الاســلافـــي
كم واحدن دبرته صارت ســـــبب ثبره= جنب عن الدرب واقفا والقدَم حافـــي
والصنف الاخر جبل ماضاق من سبره=فيه الجوارح تنفظ ريشــها الضافـــي
غلطات الاصحاب مجبولا علـى قبره= فــي قو صبرن جميل ومنطقن دافـي
اهتم فــــي مثل هذا الصــنف. واعتبره=ســيفن لروح العلوم العوج قصافــي
ياكبر حظ الصـــبور الســـــمح ياكـبره=اللــي يغطـــي خطا الاحباب بلحافـــي
اللي علـــى زلة الصاحب ضفاشــــبره=مادار الاصحاب واظهر عيبها الخافي
حرن بروس الشوامخ راســــين زبره= متمركزن ماكره في راس ميهافـــي