حضّر البوك خل الزاج فوقــه يسيــل= حان نظـــــم البيـــوت وحان موالها
خل خشم القلم يرعف بنثـرن جزيـــل= ويدفـــع المفردات الشــــرد لزلالهـا
ايه ورّد دلي الشعر جمــــن مهيـــــل= لين تروى حيـــاَم الشعــــر بجزالها
ومد كاس القصيد بمشرب السلسبيـل=وابـو ( زياد) تزهالـــــه ويزها لها
مطلق اللي ببيته مايضيــق الخليــــل=يرتكـــي والمراجل يكسب اجزالهــا
مدهلا للر فاقه جعل عَمـــره طويــــل= والر جوله بقــو العــــزم يرقالهــــا
نادرن منزله بالطيـب راس الطويــــل= مركــز اهل الفعول ومكـرم اسبالها
افتخربه واصوغ الشعر وارجع واكيل= واتفنن بنظــم العـــوب واسعالـــها
واتنقا بجزل القــــاف واكتب وازيــــل= لين لبسة عروس الشعر سلسالها
واكتب اللي بمدحه ماكتبهـــا البخيـــل= والبس المفردات الشرد سربالها
من نوادر هلا الامجاد زبـــن الدخيـــل= ربعي اللي يهيم الطيب بافعالهـا