قـبــل نـبــدأ بالـلـحـون السـامـريـه =ذكـــر ربٍ كـــل خـلـقـه يرتـجـونـه
خالـق النـفـس السعـيـدة والشقـيـه =عـالــم بـالـلـي عـبــادة يجـهـلـونـه
أذكـر الله وأشكـره وأبـدي التحـيـه =مـنـهـج لأمـــة مـحـمـد ينهـجـونـه
الحضيـض اللـي نهـج منهـج نبيـه =جعلنـا وإيـاك مــن الـلـي يتبعـونـه
بعدهـا يـا ابـن الحمـيـدي لــد فـيّـه =كيـف حـالـك يالسنـافـي والمعـونـه
لا قريـت اللـغـز جـيـب الـحـل لـيـه =خابـرٍ شـرواك عـرفـه مــا يخـونـه
أنتـم أهـل العـرف ورجـال الحميـه =كــل فـعـل فـيــه مـيــزه تـدركـونـه
نوهـة الـرجـال مــن نـوهـة ذويــه =يـقــدر الـلــي والـديـنـه يـقـدرونــه
والــد يـنـك بــا لمـعـرفـه عبـقـريـه =كـم خصيـمٍ يشتكـي منهـم طعـونـه
وأنت عرفك يا وسيع العرف حيـة =حسب ظني عرفهم ما صرت دونه
هضمة حقـوق الوفـي عيـبٍ عليـه =والهـويّـن مدحـتـه رأس المهـونـه
وإن عسـرك فـداك والخيـرة غبيـه =أتركـه يالقـرم فـي ستـر ومصونـه
بالأمانـة مــا تـفـرط فــي الوصـيـه =أحـذر إن بعـض العبـاد يشوهـونـه
أعتبرهـا يـا أخطـل اليمـنـى هـديـه =المـعـانـي بـيـنـي وبـيـنـك مـرونــه
أدري إن نفسـك عـن المـدة غنـيـه =العطـا مـن غيـر ربــي مــا تبـونـه
خابـر أنـك مـا تـبـي لأحــدٍ عطـيـه =والخصيـم إن زاد كحلتـوا عيـونـه
بـس مـن شـان الثـقـة والمقـدريـه =الـهـدو لا جــاء النشـامـا يقبلـونـه
ويـش رجـلٍ مركبـه فــوق العبـيـه =مـركـبٍ فـريـس ربـعــك يركـبـونـه
ينطـح الغـازيـن ويـخـاوي الغـزيـه =وإن ركب غير الحصان يعذربونـه
ويــش رجــالٍ يسـمّـا بـــه خـويــه =لـه خـويٍ يعرفـه مـا شــاف لـونـه
الرجـل معـروف لـه حسنـه وسيـه =في الردى والطيب يوجد له نمونه
شاع ذكره فـي العصـور الجاهليـه =كـــل سـكــان الـجـزيـرة يعـرفـونـه
ويـــش رجـــالٍ أفـعـولـه عالـمـيـه =يـذكـر الـلـي مــا يشوفـنّـه عيـونـه
مــا يجـيـب العـلـم للـنـاس الغـبـيـه =مــا يجيـبـه غـيــر لـلــي يتكـنـونـه
يشـرح اللـي صـار ويعـد القضـيـه =بـعـد تفصـيـل القـضـيـة يتـركـونـه
ويش رجـل مسكنـه بطـن الصبيـه =والصبيـه نعتبـرهـا مــن حصـونـه

أبـــتـــدي بالله عــــــلام الـخــفــيــه =الإلــــه الــلــي عــبــاده يـعـبـدونــه
عـالــم الـنـفـس الفـقـيـرة والغـنـيـه =عــالــمٍ مــــالا عــبــاده يـعـلـمـونـه
بـعـدهـا وإعـــداد هــمــال الـرفـيــه =مرحـبـا بـالـلـي تشـوقـنـي لـحـونـه
عوهلـي مــن سـلايـل عـهـو هلـيـه =يبـدعـون الـقـاف كنـهـم يصنعـونـه
وفــي المـلاقـا يحتـمـون الدوبـلـيـه =وإن ثـنـوا دون المـتـلـي يلحـقـونـه
وإن بغيت أوصـف كرمهـم حاتميـه =ضيفـهـم والـلـي مسـيـر يكـرمـونـه
وجارهم ما راح يشكـي مـن خطيـه=لا نــزل مـعـهـم غـريــب يدلـهـونـه
وإن شـكـا مــن قــل وألازمعسرية = من وفاهـم فـي دبشهـم يخشرونـه
كـم عطيتـوا يالسويـدي مـن عطيـه=لا عطـوا شـي مــا عــاد يرجعـونـه
فعـلـهـم وقـــت الـعـصـور الاولـيــه=الـقـبـائـل كـلـهــم مــــا يـجـحـدونـه
ولا نقول أقصـور فـي سبـع اللفيـه=العـرب حـق العـرب مـا يهضمونـه
وإن ظلمت الناس عيـب ومحقريـه =قسمـهـم بالطـيـب لازم يــا خـذونـه
وفـي القصيـدة جـانـي لـغـاز قـويـه=والأديـب أهــل الأدب مــا ينقـدونـه
كـنـهــا مـكـتـوبــه بـــــالا بـجــديــه=ميـر أنــا أقــرا كــل خــطٍ تكتبـونـه
لـغــزك الأول حـلـولـه فـــي يــديــه=لحصـان وسرجـه الـلـي تخبـرونـه
مـا يزيـن إلا علـى الصـفـرا الثنـيـه=وإن ركب فوق الكديش يشين لونه
ولغـزك الثانـي بــلا روحــه وجـيـه =شـعـر شـعـار الجـزيـرة ينـشـرونـه
مثـل ابـن حثليـن فـي ذيـك النحـيـه=والعمـى عـجـران لا قـالـه يصـونـه
ولغـزك الثالـث مثـل حـفـرة طمـيـه =دافـنـه مـــا كـــل نـــاسٍ يفهـمـونـه
حلـه الصـنـدوق الأســود بالسـويـه =يفتـحـون أدراجــه الـلــي يقفـلـونـه
أصـنـعـوه الـلــي ديـانـتـهـم رديــــه =مــا بـعـد شفـتـه ولـكــن يـذكـرونـه
ولغـزك الـرابـع نجيـبـه مــن نـويـه =لــو عــن الأفـكـار مـــره تبـعـدونـه
صاحـبٍ بعـده تـرى مــا فـيـه زيــه =والبـلاء لا جــاء قـريـب تكرهـونـه
وإن حصل فقده علـى المسلـم بليـه =يـا لعـل الشـوف يثبـت وسـط نونـه
وأنتـهـت الالـغــاز والـذمــه بـريــهه=طن زامـل كـان مـا خابـت ظنونـه
والنهـايـة سامحـونـي فــي البـقـيـه =والنـشـا مــا مــن تـعـذر يـعـذرونـه
ما علـى مـن حـط مـا جـوده زريـه =والصعيـب اللـي وراه يحـول دونـه
والخـتـام أنـســام عـــود وشـاذلـيـه=لــلــرجــال نــقــدمــه وتـقـدمــونــه