اســوق مـنـقـي الـبـيـوت المثاقيل=على سكـوني ليـن يصرخ سكوني
اسراب في صـدري تغني مواويل=روّضْـتـهـا علـى شـجـي اللحوني
تــجـي بـدايــة ليل والا آخر الليل=الـعـب بـها لعب الهوا بالغصوني
تــجــي كــذا مـلـيــانـةٍ بالتفاصيل=وشــلـون مــدري كيف لاتسئلوني
اســوقـهـن لهجـوس راسي فناجيل=ولعيون من حبيـت ترخص عيوني
يــالـيــل يـاسـلـوة قـلوب المعاليل=مـتـى تـزيـح سـتــار ذيك الظنوني
الغـاز تـتعـب هدت الصبر والحيل=احـسّـهـــا حــمــلٍ يـقـطـع متوني
اول يـفـنــدهـــا قـــوي المواصيل=يــوم الـغـلـى دستور كونه وكوني