قطعتبي ياريش العيني=ذبحتني ياملاالعله
قطعتبي ليه ياشيني=مايقطع الخل في خله
هيجت فيني براكيني=لاتذرف الدمع وتهله
قطعتني فيك نصيني=الضغط عندي عبر فله
مشتاقلك يانظر عيني=شوق بدويناًعلى بله
انكان فعلا توديني=قدر حبيباً لفا كله
ياسيد كل المزاييني=فيك اكتب الشعر وشله
ياغايتي لو تشوفيني=ارقب على الرجم والتله
حرام والله شويتيني=احيان كني على مله
ياعود موز البساتيني=غير الهوا الهاب مافله
لاتنشدن كيف تاتيني=دوم الهواوي يجي كله
على الوعد دوم يازيني=اصدق من الحبر وسجله
جذبتني ليه تعميني=لوالهوى صلف مامله
حتى الجدي والميازيني=وسط السما صرت مادله
ابي اطلبك لاترديني=تعلولتن مابها زله
ماهوضروري تضميني=لوكان ريقي يبي بله
نشرتها في دواويني=قصة حبيباً ذكر خله