تعال للاشناب والعـب ياشنب=انا سيوفي دون حدود الضاميه
تبي طريق مسيلمه وابولهب=والا طريـق الحــق والاسلاميه

سميت بالرحمن والسيف الحدب=يقص القرون اللي براسك ناميه
الله مسلطني على قلبك رعب=في ساحة الميدان ناري حاميه

ياخوف قلبي سيفكم يطلع خشب=والمـــعركه بين النشامى داميه
ترا المعارك مابها خوخ وعنب=وطب المعارك كان معك حساميه

يامتيح يامدور على حتفك سبب=غبر على قرنك ياثورا ًعاميه
ياضريغط اللي دق صدره للعرب=جهرت نفسك بالحمول الطاميه

ياشاعر الشعار ياطيــب الادب=الشعر سامي والمعاني ساميه
عامر ليا شافن تجيه أم الركب=اما فرك أو لاذ بالاقســامـــيه

عينوا خير يا سادات العرب=والعنوا ابو الشيطان وعوايده
جيتكم قبل ياصل الدم للركب=وقبل مايفلت زمام العارفه

الحرب عند الناس مافيها عتب = تجيك كدرا ليل ظلمه غاميه
كم شاعر ٍ لاجيت حاله يضطرب = ماله نصيب وقاصفته الراميه

القبع عامر كيف فحـــط والنقلب=حذفة به الهقوه على الصداميه
السيف يا عامر ماهو عود القصب=ياهل المدينه ماتجون أخصاميه

القبع لامنه غزا يكسب ذهب=والا انت رابخ في صحون الباميه
اهل المدينه ينزلون اعلى الرتب=ماحد ٍ يساويهم في سام وحاميه

منته ردي واليوم هوشك من عجب=هوش الرول في وادي الرمراميه
ياناس جعـــــل الله يخلف لي تعب=ولله در محــــــــــطم الارقــــاميه

النار لاشبت زودها حطب = والموت دون النصر موت اكراميه
وان كان بحرك ياعميلي قد نضب = ليتك ترد ام الحروف الساميه

بعيـرٍ اجرب دب بجـنوبه جرب=لكن حـــــــرام هجار والاخطاميه
والله لتسري كان ربي له كتب=وأن شفتـــني ماعد فيـك عظاميه