أقُولها مانِي مجامِل وخايفْ =واقولها من قلْب بالحِيل يِغْلِيك
حِبْر المقُوله من دُموع ٍ ذرايِفْ=مِتْوشّحه بالصّدق يارُوح هاوِيك
والله أحبّكْ حُبّ ماله وِصايِفْ =ونذْر ٍ عليّ أغْلِيك واعْشقْ لطارِيك
حبّك سِكنْ خلف الضّلوع النّحايِفْ= فِي مُضْغة ٍ عرْشِكْ بها صار يدْعِيك
ياجنّة الدّنيا وغال الشّفايِفْ=ترْجِمْ معانِي نبْض قلْب ٍ يناجِيك
مِتى على الله ياحسين الرّهايِفْ=تنْظرْ لبرّاق ٍ شعقْ فُوق اراضيك
مِزْنهْ يِخِيلِنّه خشوف ٍ عفايِفْ=لاشكّ ماهِنْ مِثل غالِي مِشارِيك
إنْتِي لحالِكْ نايِفهْ بالولايِفْ=وياجِعْل مافْقِدْ لِك ولا العِين تبْكِيك