يا وقت جرح بالحشا والعين تسقاه =والقلب به دكاك من جور خلانه
خيي هجرني بعد ما كنت وياه=مثل النبات يموت لو يترك أوطانه
حتى الشهر ومباركه ما سمعناه=وجمعتنا حول أمي تغير زمانه
يا وقت لو هو من سوا الخلق عفناه=لكن ولد أمي ما عوض مكانه
ما قد نخيت انسان واليوم بنخاه=يرجع لقلب اللي يحبه وصانه
أرجيك ثم أرجيك والعبد رجواه=للي خلق سمعة وشوفه وزانه
قلبي انحرق من بعد حكي سمعناه=لا بارك الله بمن يضيع أمانه
من عقب ذاك اللي يجينا ونلقاه=لا نا شد عنا وغرة زمانه
الله يصبرنا على من فقدناه=باع القلوب اللي تقطع عشانه
واتبع قلوب همها المزح وياه=ما ذاقت الوقت العسر وامتحانه
حنا وقفنا ساعة الضيم وياه=وانكر جميع سواتنا بالاهانه
من علمه حروف الهجا والمحاكاة=العد والانشاء و فرض وأذانه
لويشكي ذراعي شكى ما حملناه=والروح طاغي حزنها والمهانه
من عقب فرقى أحبابنا ما نسيناه=الموت خذهم جعلهم في جنانه
يالله تنصرنا على الشر واعداه=وتحفظ عمود البيت ورمز الديانة