ان جاني الطيب فانا منه واطيب= افز بقدومه و ارحب واحييه
ان جاني اللي كن به طبع عقرب=اقرا الفلق والناس وامشي واخليه
وان جاني اجرب راكبٍ له على اجرب=ان قدرن عليه ربي اداويه
وليا مدح من لابتي رجلٍ اطرب =اطيب من طيبه لوني ماحاكيه
عدٍ لنا هذاك من جاه يشرب = الكل يشرب من مساقي سوانيه
تدري وش الغريب والشي الأغرب= تثني على الرجال ثم تحكي فيه
وتدري وش اللي مالنا منه مهرب= جميع ماقلنا وعملنا نلاقيه
وتدري من اللي من القريبين اقرب=اللي ليامسك ضر ترجع تناجيه
ترفع له الكفين. يارب . يارب = وقّف هنا . وتذكر اللي مسويه
وتدري متى ينقال لك( ؟؟؟ )اجرب=ياصار حق الله وخلقه تخليه