طال الغياب وزاير الموت ما غاب=وكثرت فقايدنا بكثر الاصاحيب
وش قصتك ياموت صفيت الاحباب=واخذتهم ،، سيل انحدر من مراقيب
انا ادري انك حق وللحق طلاب=لاكن هل الخلفات حرش العراقيب
يعني كذا ,, راحوا شباب(ن) وشياب=ما بين يوم وليلتينه نواصيب
يا عل قبر(ن) ضمهم ,, فيه له باب=وتغشاه قطرات الندى والهباهيب
ويتلاه من برق الثريا بسكاب=وبل(ن) يبرد حاميت اللهاليب
ويالله يالمعبود يا رب الارباب=يا اللي بحالي تعلم الجهر والغيب
ترفق بنا يارب في حشر وحساب=وعسى يميني تستلم له مكاتيب