انت يالي تعتقد وقتك صفالك=احذر احذر لا تمادى في خطاك
لو صفتلك دنيتك والعز جالك=مايدوم ولو بقا وشلون جاك
لا تغرك دنيتك وتشوف حالك=كم ذليلٍ كان يشبه مستواك
لا تكبر ياولد وان زان فالك=واحمد المعبود يوم انه عطاك
اكرم المحتاج الى منه عنالك=اكرم المحتاج الى منه نصاك
الجماله ياولد هي راس مالك=افعله بالله تكفى لا تعصاك
الردي والله لوهو من عيالك=لو تموت من العطش مروا ضماك
والمنافق في حضورك فوق شالك=وفي غيابك ياولد يلعن ثواك
ولا تشكى للبشر مما جرالك=والله اللي مايخيب لك رجاك
ولا جرالك جاريٍ والضيم طالك=عزوتك هم فزعتك لظلم سماك
اكسب النعمين لا جابو مجالك=المراجل تنشرا والعلم جاك
هيه يالي تعتقد وقتك صفالك=احذر احذر لاتمادى في خطاك