الموت يامنصور ماله قوانين= ياجا وعد نفسن غزاها وتله
نوبن يجي عوداَ بسن الثمانين= ونوبن بزر مافات له عشر اهله
ونوبن يهجد الناس والناس نيمين = ونوبن يباغتهم على جال دله
يفوت بعض ارواح ناسن مريضين = ان كان خلاقه مهو كاتبن له
ويسطي على ارواح العباد الصحيحين = لو انها ماتشكي ادنات عله
لكن طلبت اللي يغيث المساكين = انه يثبتنا على خير مله
وانه يمشينا على منهج الدين = ويضلنا يوم الحشر تحت ضله
سبعت بيوتن وانشرو يافطينين = لجل نفطن واحدن مافطن له