يالي عليك الفكر والبال مشغول=وانته على ماقيل نيتك نيه
ارسلت لك مع طائراًباول الجول=ورداً من الطائف مع اجمل تحيه
واليوم دار الحول حولا بعد حول=وانا اتحرا منك ردك عليه
تضربي الجيان بالعرض والطول=وانا اتذبذب خارج الجاذبيه
وتقول انا عن حالتك غير ماسول=ولالك علي دعوا ولايت قضيه
ماخفت من ربً بالعمال موكول=ويعلم بسر البينه والخفيه
والقصه الي سجلت باسم مجهول=يعلم بها الي عالماً كل شيه